सप्तरीको छिन्नमस्ता गाउँपालिका अध्यक्षमा लोकतान्त्रिक समाजवादी पार्टी (लोपसा)का विद्यानन्द चौधरी निर्वाचित भएका छन्।
चौधरीले २ हजार ८ सय ९५ मत ल्याएर विजयी हुँदा उनका निकटतम् प्रतिद्वन्द्वी जनता समाजवादी पार्टीका उम्मेदवार सत्यनारायण यादवले १ हजार ७ सय ६६ मत ल्याए।
चौधरीले १ हजार १ सय २९ मतान्तरले यादवलाई हराएका हुन्।
यस्तै उपाध्यक्षमा माओवादी केन्द्रका उम्मेदवार निर्वाचित भएका छन्। आइतबार बिहान सार्वजनिक भएको मतगणनाको अन्तिम परिणामअनुसार छिन्नमस्ता गाउँपालिकाको उपाध्यक्षमा माओवादी केन्द्रकी राजुदेवी यादव निर्वाचित भएकी हुन् ।
यादवले २ हजार ४ सय ७२ मत ल्याएर विजयी भइन्। उनका निकटतम प्रतिद्वन्द्वी नेपाली कांग्रेसकी उम्मेदवार प्रमिलादेवी साहले १ हजार ५ सय ९५ मत ल्याएकी छन्।
यो सँगै लोसपाले जितेको पालिकाको संख्या ११ पुगेको छ। ६ वटा नगरपालिका जितेको लोसपाले ५ वटा गाउँपालिका जितेको हो।
जिल्ला | पालिका | प्रमुख/अध्यक्ष | विजयी उम्मेदवार | प्राप्त मत |
|---|
महोत्तरी | औरही नगरपालिका | प्रमुख | प्रदिप कुमार खडका | ६०६७ |
महोत्तरी | बलवा नगरपालिका | प्रमुख | राम विजय महतो | ५७८३ |
महोत्तरी | मटिहानी नगरपालिका | प्रमुख | हरि प्रसाद मण्डल | ४००३ |
सर्लाही | गोडैटा नगरपालिका | प्रमुख | देवेन्द्र कुमार यादव | ५२९४ |
रौतहट | ईशनाथ नगरपालिका | प्रमुख | कौशल्या देवी | ६२८२ |
बारा | सिम्रौनगढ नगरपालिका | प्रमुख | किसोरी प्रसाद कलवार | १११३७ |
सप्तरी | महादेवा गाउँपालिका | अध्यक्ष | सुनिल कुमार मण्डल | ४५७० |
महोत्तरी | सोनमा गाउँपालिका | अध्यक्ष | विशेश्वर प्रसाद यादव | ४१०८ |
बारा | विश्रामपुर गाउँपालिका | अध्यक्ष | जुल्फकार अलि भुटो | ४३१७ |
पर्सा | बिन्दबासिनी गाउँपालिका | अध्यक्ष | प्रमोद तिवारी | ४१४१ |
सप्तरी | छिन्नमस्ता गाउँपालिका | अध्यक्ष | विद्दानन्द चौधरी | २८९५ |
