सहकारी र बैंकलाई मोबाइल बैंकिङसँग जोड्ने एम बैंक अब एकल स्वामित्वमा अगाडि बढेको छ।
साझेदारीमा सञ्चालन भइरहेको एम बैंक अब कम्पनीका संस्थापक सदस्य संजय महासेठको एकल स्वामित्वमा अगाडि बढ्ने भएको हो।
सञ्चालनको आठ वर्ष पुगेर अब नवौं वर्षमा पुग्न लागेको र पछिल्लो समय बजारको अपेक्षा पनि बढेकाले एम बैंकलाई नयाँ ढंगले अगाडि बढाउँन खोजिएको संस्थाका सञ्चालक तथा प्रबन्ध निर्देशक संजय महासेठले बताए।
बजारको अपेक्षालाई पूरा गर्न संस्थालाई पनि नयाँ ढंगले अगाडि बढाउनुपर्ने भएकाले यसको सञ्चालन तथा व्यवस्थापनमा पनि परिवर्तन गरिएको महासेठले जानकारी दिए।
समयको मागलाई सम्बोधन गर्नकै लागि एम बैंकको पूर्ण स्वामित्व लिएको बताउँदै महासेठले आगामी दिनमा व्यवस्थापनलाई पनि थप चुस्त र दुरुस्त बनाइने बताए। स्वामित्वमा मात्रै नभई एम बैंकले दिँदै आएको सेवा सुविधामा नयाँ–नयाँ फिचर पनि थपिएको महासेठले बताए।
'समयको मागलाई हेरेर नै हामीले यो चुनौतीपूर्ण निर्णय गरेका हौँ, एम बैंकलाई थप प्रतिस्पर्धी बनाउनकै लागि पूर्ण स्वामित्व लिएर नयाँ सेवा सहित आउँन लागेको हो, नयाँ वर्षमा हाम्रा सदस्य सहकारीहरूले मोबाइल बैंकिङको साथै नयाँ सेवा र फिचर पनि पाउनु हुनेछ,' महासेठले भने।
'बैंकिङ क्षेत्र तुलनात्मक रूपमा पूर्ण रूपमा डिजिटाइजेसनमा गएको समयमा अर्थतन्त्रकै एउटा खम्बा मानिएको सहकारी पनि डिजिटलमैत्री हुनुको विकल्प छैन, हामी त्यो 'ग्याप' पूरा गर्ने गरी काम गर्छाैं,' उनले थपे।
'स्वामित्वमा मात्रै नभई हामीले दिँदै आएका सेवामा पनि धेरै फिचर थपेका छौँ, एम बैंकको मोबाइल एप लिइरहेका सहकारीहरुले अब धेरै नयाँ डिजिटल वित्तीय सेवा, सुविधाहरू पाउनेछन्,' महासेठले भने।
खातामा रहेको ब्यालेन्स ट्रान्फर गर्न, ब्यालेन्स चेक, स्टेटमेन्ट हेर्न, लोनको जानकारी, फोन, नेट, टिभी, रिचार्ज गर्ने, इसेवा, खल्ती, सजिलो पे, प्रभु पे, आइएमई पे, माई पे जस्ता डिजिटल वालेट लोड गर्न, बिजुलीको बिल, खानेपानी बिल भुक्तानी गर्ने, बस तथा हवाई टिकट, होटल बुक गर्न, क्युआर भुक्तानी गर्ने, विभिन्न सरकरी सेवाको पेमेन्ट गर्ने लगायतका सेवाहरू एम बैंकले दिँदै आएको छ।
-1715411980.jpg)
