आइएमई पेले आइइएलटिएस टेस्टको शुल्क भुक्तानी आइएमई पे मार्फत गर्न सकिने सुविधा सार्वजनिक गरेको छ।
यस सुविधा मार्फत प्रयोगकर्ताहरूले आइएमई पे एप मार्फत आफ्नो आइइएलटिएस परीक्षा शुल्क सहजै भुक्तानी गरेर आफ्नो समय र मेहनत बचाउन सक्नेछन्।
प्रयोगकर्ताहरूले आइइएलटिएसको एकेडेमिक टेस्ट र जेनेरल ट्रेनिङ टेस्ट, आइइएलटिएस युकेभिआईको एकेडेमिक टेस्ट र जेनेरल ट्रेनिङ टेस्ट, लाइफ स्किल्स ए१/ए२, बी१ को निम्ती भुक्तानी आइएमई पे एप मार्फत गर्न सक्नेछन्।
सीमित अवधिको लागि आइएमई पे एपबाट आइइएलटिएस टेस्टको शुल्क भुक्तानीमा फ्लाट एक हजार रूपैयाँ क्यासब्याक पनि प्राप्त गर्न सकिन्छ।
'हामी हाम्रा प्रयोगकर्ताहरूलाई यो नयाँ सेवा प्रदान गर्न पाउँदा उत्साहित छौं,' आइएमई पेका प्रमुख कार्यकारी अधिकृत प्रवीण रेग्मीले भने, 'आइइएलटिएस शुल्क भुक्तानीको लागि सुविधाजनक र सुरक्षित प्लेटफर्म प्रदान गरेर हामीले प्रयोगकर्ताहरूलाई आफ्नो उद्देश्यहरू पूरा गर्न सशक्त बनाउने लक्ष्य राख्छौं।'
