गोल्यान पावर र प्रोजिल ग्रिन इनर्जीबीच सम्झौता भएको छ।
दुई कम्पनीबीच मंगलबार दिगो ऊर्जा प्रवर्द्धनमा सहयोग पुर्याउने सम्झौता भएको हो।
सम्झौतामा गोल्यान पावरका निर्देशक अक्षय गोल्यान र प्रोजिल ग्रिन इनर्जीका निर्देशक शोबित बैजनाथ रायले हस्ताक्षर गरे।
यो रणनीतिक साझेदारीले दिगो ऊर्जा प्रवर्द्धनमा सघाउ पुर्याउने उनीहरूको विस्वास छ।
हस्ताक्षर समारोहमा गोल्यान समूहका तर्फबाट प्रमुख वित्तीय अधिकृत संजय साह र ऊर्जा व्यवसायका प्रमुख कार्यकारी अधिकृत प्रवीण अर्यालको सहभागिता थियो।
