नेपाली कांग्रेसको महामन्त्रीमा गगन थापा र विश्वप्रकाश शर्मा विजयी भएका छन्। उनीहरूलाई सामाजिक सञ्जालमा बधाई र शुभकामना दिने क्रम चलिरहेको छ।
प्रमुख प्रतिपक्षी नेकपा एमालेका नेताहरूले पनि उनीहरूलाई बधाई दिएका छन्। बिहीबार दिउँसो एमाले सचिव योगेश भट्टराईले गगन र विश्वप्रकाशलाई बधाई दिएका छन्।
सामाजिक सञ्जालमा भट्टराईले लेखेका छन्- मित्रहरू गगन थापा र विश्वप्रकाश शर्मा, नेपाली कांग्रेसको महामन्त्रीमा निर्वाचित हुनुभएकोमा हार्दिक बधाई र शुभकामना छ।
यसअघि एमाले उपमहासचिव प्रदीप ज्ञवालीले पनि उनीहरूलाई बधाई दिएका थिए।
उनले उपसभापतिमा निर्वाचित पूर्णबहादुर खड्का, धनराज गुरूङ र गगन-विश्वप्रकाशलाई बधाई दिएका हुन्।
