सत्तारुढ नेकपा (एमाले) का अध्यक्ष केपी शर्मा ओलीले दलित समुदायबाट पनि संघीय सरकारको मन्त्री बनाउने बताएका छन्।
नेपाल उत्पीडित जातीय मुक्ति समाजले बिहीबार ललितपुरको च्यासलमा गरेको कार्यक्रममा बोल्दै उनले दलित समुदायबाट एक जना मन्त्री हुने बताए।
सबै जाति, समुदाय एकैचोटी मन्त्री हुन सम्भव नभएको उनले बताए।
नेपालमा एक सय २५ भन्दा बढी जातजाति भएकाले पनि सबैले एकै पटक मन्त्री बन्न अवसर आउन नसक्ने उनको भनाइ छ।
‘कहिले कहिले मन्त्री किन भएन भन्ने हुन्छ। यस पटक पनि मन्त्री हुन्छ। एउटा ठाउँ छ त्यहाँनिर यस पटक पनि मन्त्री हुन्छ। पहिले-पहिले पनि मन्त्री हुन्थे। तर सबै जाति, समूदायबाट सबै सधैं नपर्न पनि सक्छन्,’ उनले भने।
अध्यक्ष ओलीले सामाजिक न्यायको पक्षमा आफ्नो पार्टीले सदैव संघर्ष गर्दै आएको बताए।
(न्युज एजेन्सी नेपाल)