नेपाली कांग्रेसका प्रवक्ता प्रकाशशरण महतले कांग्रेस सबै किसिमकोआतंकवादको विरूद्धमा रहेको बताएका छन्।।
शुक्रबार पार्टी सभापति शेरबहादुर देउवाको निवास बूढानीलकण्ठमा बसेको पार्टीको पदाधिकारी र पूर्वपदाधिकारीको बैठकपछि बोल्दै प्रवक्ता महतले कांग्रेस आतंकवादको विरूद्धमा रहेको बताएका हुन्।
'हामी जहिले पनि आतंकवादको खिलाफमा छौं। आतंकवादको खिलाफमा हुने कारबाहीलाई हामी जायज ठान्छौँ। आतंकवादलाई कसैले पनि प्रश्रय नदिओस् भन्ने पक्षमा छौँ,' उनले भने।
प्रवक्ता महतले भारत पाकिस्तानबीचको तनाव फुल स्केल युद्धमा परिणत नहोस् भन्ने चाहना रहेको बताए।
'युद्धको स्थिति सिर्जना भएको छ, आतंकवादी अखडामाथि आक्रमण भएपछि पाकिस्तानको तर्फबाट पनि जवाफी सिभिलिएनमाथि पनि आक्रमण भएको छ। सैनिक अड्डाहरुमा पनि आक्रमण भएको छ। यो फुलस्केल युद्धको रुपमा परिणत नहोस्। शान्ति चाँडै बहाल होस्, भन्ने हामी चाहन्छौं,' उनले भने। -न्युज एजेन्सी नेपाल
