मछिन्द्रबहालमा ५३ बर्षीय तुलबहादुर तामाङको आइतवार राति हत्या गरिएको शंकामा प्रहरीले ४ जनालाई पक्राउ गरेको छ।
इष्टवेष्ट सेक्युरेटी कम्पनीका सेक्युरिटी गार्ड दोलखा मागपौवा २ का तामाङलाई अज्ञात समूहले धारिलो हतियार प्रहार गरि आइतबार राति हत्या गरिएको थियो।
प्रहरीले तामाङको हत्यामा संलग्न भएको आशंकामा विभिन्न दुई कम्पनीका सक्युरिटिगार्डलाई पक्राउ गरेको हो। पक्राउ पर्ने सक्युरेटी गार्ड राजन थापासहित अन्य तीन जना छन्।
चोरी र लुटपाटको कारण हत्या भएको नभइ कुनै रिसिइविको कारण हुन सक्ने प्रारम्भिक अनुसन्धानमा देखिएको महानगरीय प्रहरी बृत जनसेवाका प्रमुख डिएसपी मोहन थापाले बताए।
