प्रहरीले एक जना हत्याका फरार अभियुक्तलाई १७ वर्षपछि पक्राउ गरेको छ। २०५७ साल माघ १९ गते राति साढे ८ बजेतिर हुर्मत खत्रीको हत्या गरि हालसम्म फरार रहेका भनिएका तीन जनालाई १७ बर्षपछि पक्राउ गरिएको प्रहरीले जानकारी दिएको छ।
हत्या अभियोग लागेका दंगिशरण गाउँपालिका वडा नं. ४ निवासी ७२ वर्षीय अमृतलाल कुँवर, सोही ठाउँ निवासी ४२ वर्षीय नेपबहादुर घर्ती र सोही ठाउँकै ४५ बर्षीय राजेन्द्र घर्तीलाई लुकिछिपी बसेको अवस्थामा हालै पक्राउ गरिएको ईलाका प्रहरी कार्यालय तुलसीपुरले जानकारी दिएको छ।
१७ वर्षअघि हत्या गरिएका हुर्मत खत्रीका छोरा लालबहादुर केसीको जाहेरीका आधारमा उनीहरुलाई दंगीशरण गाउँपालिकावाट पक्राउ गरिएको प्रहरीले जानकारी दिएको छ।
पक्राउ परेका व्यक्तिलाई कर्तब्य ज्यान मुद्दामा आवश्यक अनुसन्धान भइरहेको प्रहरीले जानकारी दिएको छ।
