कञ्चनपुरमा छुट्टाछुट्टै स्थानमा दुई जना मृत फेला परेका छन्।
दोधारा चाँदनी नगरपालिका वडा नम्बर ४ बडुवाल टोलका अम्मर बडुवालको छोरा १५ वर्षीय अर्जुन बडुवाल आफ्नै घरमा मृत अवस्थामा फेला परेका हुन्।
उनी बिहीबार मृत फेला परेको प्रहरीले जानकारी दिएको छ।
उनको शवलाई पोष्टमार्टमको लागि महाकाली प्रादेशिक अस्पताल महेन्द्रनगर पठाइएको छ।
यस्तै, कृष्णपुर नगरपालिका वडा नम्बर ६ गजरौलाका ६७ वर्षीय कृष्ण लुहार मृत फेला परेका छन्। लुहारको शवलाई सेती प्रादेशिक अस्पताल धनगढीको शव गृहमा राखिको प्रहरीले जनाएको छ।
दुवै घटनाको थप अनुसन्धान भइरहेको जिल्ला प्रहरी कार्यालय कञ्चनपुरका डिएसपी उमेश जोशीले जानकारी दिए।