धादिङको गजुरीमा माइक्रो दुर्घटना हुँदा पाँच जना घाइते भएका छन्।
काठमाडौंबाट गोरखा जाँदै गरेको बा ३ ख १६३० नम्बरको माइक्रो गजुरी गाउँपालिका-५ गलौदीस्थित पूर्व-पश्चिम लोकमार्ग सडकको भित्तापट्टि भागको नालीमा खसेको हो।
जिल्ला प्रहरी कार्यालय धादिङका सूचना अधिकारी डिएसपी सुवास हमालका अनुसार माइक्रो आफै अनियन्त्रित भएर नालीमा खसेको हो।
दुर्घटनामा तनहुँको बन्दिपुर गाउँपालिका-४ बस्ने ४६ वर्षीय सुकमाया परियार, आबुखैरेनी-१ बस्ने १८ वर्षीय मन्जु परियार, माइक्रोका सहचालक तनहुँको भानु नगरपालिका-८ बस्ने बर्ष २५ वर्षीय कृष्ण परियार, गोरखाको पालुङटार नगरपालिका-५ का १७ वर्षीय सक्षम राजभाट र लमजुङको राइनस गाउँपालिका-६ का ७० वर्षीया हरिमाया परियार घाइते भएका छन्।
घाइतेहरुको अवस्था सामान्य रहेको प्रहिरीले जनाएको छ। उनीहरूलाई उपचारका लागि प्राथमिक स्वास्थ्य केन्द्र गजुरी पठाइएको छ।
माइक्रो चालक लमजुङको राइनस गाउँपालिका-६ का ३७ वर्षीय ज्ञानमान श्रेष्ठलाई नियन्त्रणमा लिइएको डिएसपी हमालले जानकारी दिए।
