सुर्खेतमा जिपले मिनी ट्रकलाई ठक्कर दिँदा श्रीमानको मृत्यु भएको छ भने श्रीमति घाइते भएकी छन्।
सुर्खेतको वीरेन्द्रनगर नगरपालिका– ११ धुलियाबिटका ३५ वर्षीय श्रीमान प्रेम बुढाको मृत्यु भएको सुर्खेतका प्रहरी प्रवक्ता मोहनजंग बुढथापाले जानकारी दिए। यस्तै, ३२ वर्षीया श्रीमति तिलकुमारी बुढा घाइते भएकी छिन्।
प्रेमको उपचारको क्रममा कर्णाली प्रदेश अस्पताल सुर्खेतमा मृत्यु भएको प्रहरीले जनाएको छ।
वीरेन्द्रनगर– ११ धुलियाबिट नजिक गुमीबाट सुर्खेत बजार आउँदै गरेको क. प्र ०२००१ च. ०९४४ नम्बरको जिपले रोकेर राखेको भे. १ क. १३४७ नम्बरको मिनी ट्रकलाई ठक्कर दिएको थियो।
सुर्खेत लेकवेसी नगरपालिका– ६ का २१ वर्षीय जिप चालक यामलाल सुनारलाई प्रहरीले नियन्त्रणमा लिएको जनाएको छ।
-1746009348.jpg)
