केपी ओली कप टी-२० राष्ट्रिय क्रिकेट प्रतियोगिताको सेमिफाइनल समिकरण पूरा भएको छ।
समूह ‘ए’ बाट बागमती प्रदेश, समूह ‘बी’ बाट एपिएफ क्लब, समूह ‘सी’ मा मधेस प्रदेश र समूह 'डी' बाट त्रिभुवन आर्मी क्लबले अन्तिम चारको यात्रा तय गरेका गरेका हुन्।
सेमिफाइनलको पहिलो खेल बिहीबार आर्मी र बागमती प्रदेश तथा दोस्रो खेल एपिएफ क्लब र मधेस प्रदेशका बीच पोखरा क्रिकेट मैदानमा हुनेछ। प्रतियोगिताको फाइनल खेल शुक्रबार हुनेछ ।
प्रतियोगिताको च्याम्पियन टोलीले रु पाँच लाख, शिल्ड, मेडल र प्रमाणपत्र पुरस्कार प्राप्त गर्नेछन् । यसैगरी उपविजेता टोलीलाई रु दुई लाख ५० हजार, शिल्ड, मेडल र प्रमाणपत्र पुरस्कार पाउनेछन् ।
प्रतियोगितामा ‘म्यान अफ द सिरिज’ले नगद रु ३० हजार, ‘बेस्ट बलर’रु २० हजार पुरस्कार पाउने आयोजक मदन भण्डारी स्पोर्टस् एकेडेमीले जनाएको छ।
