स्कटल्यान्ड आइसिसी टी-२० विश्वकप २०२६ मा छनोट हुन असफल भएको छ। युरोप छनोटको महत्वपूर्ण खेलमा जर्सीसँग १ विकेटले शुक्रबार पराजित भएपछि स्कटल्यान्ड छनोटबाट बाहिरियो।
पाँच टिमबीच जारी युरोपको अन्तिम छनोटबाट अब जर्सी, नेदरल्यान्ड्स र इटालीमध्ये दुई टिम विश्वकप २०२६ मा पुग्नेछन्।
यसको टुंगो आज इटाली र नेदरल्यान्ड्सबीचको खेलबाट टुंगो लाग्नेछ।
आजको खेलमा विजयी भएमा इटाली टी-२० विश्वकपमा पहिलो पटक पुग्नेछ। इटालीको जितले जर्सी समेत विश्वकपमा पुग्नेछ।
नेदरल्यान्ड्स विजयी भएमा उसले पनि विश्वकपमा स्थान बनाउनेछ।
नेदल्यान्ड्स विजयी भएको अवस्थामा इटाली र जर्सीमध्ये एक टोली रनरेटमा विश्वकपमा पुग्नेछ। अहिलेको अवस्थामा जर्सी र इटालीको पाँच पाँच अंक हुँदा रनरेटमा इटाली अघि छ।
-1746009348.jpg)
