लुम्बिनी लायन्सले नेपाल प्रिमियर लिग (एनपीएल) का लागि अफगानिस्तानका अलराउण्डर गुल्बादिन नैबलाई अनुबन्ध गरेको छ।
लुम्बिनी लायन्सले आगामी मंसिर १ गतेदेखि सुरु हुने एनपीएलको दोस्रो सिजनका लागि नैवलाई तेस्रो विदेशी खेलाडीको रुपमा अनुबन्ध गरेको हो ।
लुम्बिनीले यसअघि नै अष्ट्रेलियाका डार्शी सर्ट र इटलीका थोमस ड्राकालाई अनुबन्ध गरिसकेको छ ।
३४ वर्षीय अलराउण्डर गुल्बादिन अफगानिस्तान राष्ट्रिय टिमका पूर्व कप्तान समेत हुन् । उनको कप्तानीमा अफगानिस्तानले सन् २०१९ को एकदिवसीय विश्वकप खेलेको थियो । उनी दायाँ हाते ब्याटर र दायाँ हाते मिडियम पेस बलर हुन् ।
उनले अफगानिस्तानका लागि ८९ एकदिवसीय अन्तर्राष्ट्रिय र ७८ टी-२० अन्तर्राष्ट्रिय खेल खेलेका छन् । उनले सन् २०११ मा क्यानडा विरुद्ध एकदिवसीय अन्तर्राष्ट्रिय र २०१४ मा नेदरल्याण्ड्स विरुद्ध टी-२० अन्तर्राष्ट्रियमा अफगानिस्तानका लागि डेब्यु गरेका थिए ।
-1746009348.jpg)
