इंग्लिस प्रिमियर लिग फुटबलको उपाधि म्यानचेस्टर सिटीले जितेको छ। लिग अन्तर्गत आइतबार राति म्यानचेस्टर युनाइटेड वेष्ट ब्रोमसँग पराजित भएसँगै म्यानचेस्टर सिटी पाँच खेल बाँकी हुँदै उपाधि विजेता बनेको हो।
दोस्रो स्थानमा रहेको म्यानचेस्टर युनाइटेड पाँच खेल बाँकी हुँदा म्यानचेस्टर सिटी भन्दा १६ अंकले पछि छ। अब बाँकी खेलमा सिटी पराजित र युनाइटेड विजयी भए पनि उपाधि सिटीले नै जित्नेछ।
म्यानचेस्टर सिटीले पछिल्लो सात सिजनमा तेस्रो पटक लिगको उपाधि जितेको हो।
