भारतका चर्चित कमेडियन तथा अभिनेता सुनिल ग्रोवर नेपाल आउने भएका छन्।
काडमाडौंमा लाइभ प्रस्तुति दिनका लागि उनी नेपाल आउने भएका हुन्।
२९ नोभेम्बर (मंसिर १४) मा काठमाडौंमा 'सुनिल ग्रोवर लाइभ इन नेपाल' हुने भएको छ।
होटल एभरेस्टको मैदानमा हुने कार्यक्रमलाई लिक्विट इन्टिलिजेन्सले आयोजना गर्न लागेको हो।
ग्रोवर यसअघि उनी वि.सं २०७४ मा पनि नेपाल आएका थिए। त्यसबेला एक कार्यक्रमको सिलसिलामा नेपाल आएका उनले पशुपतिनाथ मन्दिरको दर्शनपश्चात एक बाबासँगको तस्बिर सार्वजनिक गरेका थिए।
सुनिल ग्रोवर चर्चित कमेडी शो 'द कपिल शर्मा शो' बाट चर्चामा आएका थिए। उनले थुप्रै हिट फिल्ममा समेत अभिनय गरेका छन्।
ग्रोवर ६ वर्षपछि कपिल शर्माको शोमा फर्किएका छन्। 'द ग्रेट इण्डियन कपिल शो' मा उनले प्रस्तुति दिइरहेका छन्।
