एनआरएनए कप २०२५ को तयारी अन्तिम चरणमा पुगेको छ।
गैरआवासीय नेपाली संघ (एनआरएनए) जर्मनी, स्थानीय समन्वय परिषद् (एलसिसी)बायर्नको मुख्य सहकार्य र म्युनिखस्थित विभिन्न नेपाली संघ संस्थाहरूको संयुक्त पहलमा एनएफटी म्युनिख टिमले आगामी ६ सेप्टेम्बर २०२५ मा आयोजना गर्न लागेको हो।
सन् २०१६ देखि नियमित रूपमा आयोजना हुँदै आएको एनआरएनए कपले जर्मन भरिका नेपाली फुटबल खेलाडीलाई एउटै मैदानमा प्रतिस्पर्धा गराउने अवसर दिँदै आएको छ।
अहिले जर्मनमा बस्ने नेपालीहरूको सबैभन्दा ठूलो वार्षिक खेलकुद महोत्सवको रूपमा स्थापित भइसकेको छ। यस प्रतियोगिताको आठौं संस्करण पहिलोपटक दक्षिण जर्मनको आकर्षक सहर म्युनिखमा आयोजना हुँदैछ। जसले गर्दा यो प्रतियोगिता अझ विशेष र ऐतिहासिक हुने एनआरएनएले जनाएको छ।
यसपटक २० वटा टिमले सहभागिता जनाउने छन्। पुरूषतर्फ १५ टिम र महिलातर्फ ५ टिमले प्रतिस्पर्धा गर्नेछन्। पुरुषतर्फ समूह ‘ए’ मा एनएफसी बोन, ड्रेस्डेन नेपाल एफसी, एनएफटी वाइनगार्टेनर एनएफसी ह्याम्बर्ग भेटेरन छन्।
समूह ‘बी’ मा नेपाल डार्मस्टाट एफसी, नेपालिज स्टार्स एनआरडब्ल्यु, एनएफसी ह्याम्बर्ग र एनएफसी न्युर्नबर्ग छन्। त्यसैगरी समूह ‘सी’ मा आइन्ट्राख्ट नेपाली एफसी रेड, आइन्ट्राख्ट नेपाली एफसी ब्ल्याक, एनएफसी ह्यानोभर र एफसी बर्लिन नेपाल रहेका छन्।
समूह ‘डी’ मा भने खुकुरी ब्रेमेन एफसी, एनएफसी स्टुटगार्ट र आयोजक एनएफटी म्युनिख छन्। समूह चरणका खेलपश्चात् प्रत्येक समूहबाट दुई टोली क्वार्टरफाइनलमा प्रवेश गर्नेछन्।
महिलातर्फ भने ५ टिमबीचको खेल राउन्ड रोबिन प्रणालीको आधारमा सञ्चालन हुनेछ। त्यसमध्ये पहिलो तथा दोस्रो हुने दुई टोलीले फाइनल खेल्नेछन्।
प्रतियोगितामा प्रथम हुने पुरुष टोलीले पाँच हजार युरो, दोस्रो हुने टोलीले दुई हजार युरो, त्यस्तै प्रथम हुने महिला टोलीले दुई हजार युरो र दोस्रो हुने टोलीले एक हजार युरो प्राप्त गर्नेछन्।
प्रतियोगिता सेप्टेम्बर ६ का दिन बिहान ९ बजेदेखि राति ९ बजेसम्म सञ्चालन हुनेछ।
-1756794700.JPG)
-1746009348.jpg)
