चिनियाँ मोबाइल ब्राण्ड भिभोले भिभो–भि६० फाइभ जी भारतीय बजारमा सार्वजनिक गरेको छ।
भारतीय सञ्चार माध्यमका अनुसार कम्पनीले भिभो–भि६० फाइभ जी मंगलबार सार्वजनिक गरेको हो।
यो फोनमा ६.६७ इञ्चको एमोलोइड डिस्प्ले जडान गरिएको छ।
ग्राहकले फोन तीन रंगमा पाउनेछन्। फोनमा ६ हजार पाँच सय एमएएच क्षमताको ब्याट्री डिजाइन गरिएको छ। त्यस्तै, ९० मेगावाटको फास्ट चार्जिङ सुविधा पनि दिइएको छ।
ग्राहकले सेल्फीका लागि ५० मेगापिक्सलको लेन्स पाउँछन्। त्यस्तै, फोनको पछाडिपट्टी तीनवटा क्यामरा जडान गरिएको छ।
फोनको सुरक्षाको लागि इन–डिस्प्ले फिंगरप्रिन्ट सुविधा दिइएको छ।
फोनमा दुइटा सिम राख्ने मिल्ने गरी स्लट जडान गरिएको छ। ग्राहकले फोन ८ जिबी/१२८ जिबी, ८ जिबी/२५६ जिबी, १२ जिबी/२५६ जिबी, १६ जिबी/५१२ जिबी क्षमतामा पाउँछन्।
फोनको मूल्य क्रमशः ३६ हजार ९ सय ९९, ३८ हजार ९ सय ९९, ४० हजार ९ सय ९९ र ४५ हजार ९ सय ९९ भारू तोकिएको छ।
भिभो नेपाली बजारमा पनि अत्यधिक रूचाइएको ब्राण्ड हो। भिभोले भिभो–भि६० फाइभ जी नेपाली बजारमा पनि आगामी महिना आउने तय भएको भिभो नेपालका ब्राण्ड सुपरभाइजर दिपेश खनालले जानकारी दिए।
'भदौको दोस्रो साता यहाँ सार्वजनिक हुन्छ,' उनले भने।
-1746009348.jpg)
