त्रिभुवन अन्तर्राष्ट्रिय विमानस्थलमा रहेको अध्यागमनका कर्मचारीहरूले अबदेखि विदेश जाने र आउने यात्रुसँग रूखो व्यवहार गर्न नपाउने भएका छन्।
अध्यागमन कार्यालयले लागू गरेको कर्मचारी सम्बन्धी नैतिक संहितामा यस्तो उल्लेख गरिएको छ। त्यस्तै, अबदेखि विदेश जाने यात्रुहरूलाई अनिवार्य रूपमा कम्तीमा ‘तपाईंको यात्रा शुभ रहोस्' भन्नुपर्ने भएको छ।
त्यस्तै, खाडी मुलुकलगायत श्रम गर्न जानेहरूलाई सम्मानयुक्त शब्दहरू प्रयोग गर्नुपर्ने व्यवसथा गरिएको छ।
कर्मचारीहरूलाई थोरै र आवश्यक प्रश्न मात्र गर्न, बोली बचनमा मिठासपना झल्काउनु पर्ने पनि उल्लेख गरिएको छ। देशको मुहार झल्कने ठाउँ भएकाले पर्यटकहरूसँग बोली बचन र हाउभाउले आत्मियता प्रदान गर्ने गर्नुपर्ने व्यवस्था गरिएको छ।
-1746009348.jpg)
