नेपाली कांग्रेसका नेता कृष्णप्रसाद सिटौलाले आगामी निर्वाचनमा गठबन्धन नगरी बहुमत ल्याउने बताएका छन्।
कांग्रेस आगामी चुनावमा एक्लै लडेर बहुमत ल्याउने उनको भनाइ छ।
कांग्रेसको १०० दिने संगठन सुदृढीकरण अभियानअन्तर्गत काठमाडौंमा सोमबार भएको कार्यक्रममा बोल्दै सिटौलाले भने, ‘आगामी चुनाव हामी एक्लै फेस गर्छौं, हार्ने गरी होइन बहुमत ल्याउने गरी जाने हो।’
उनले अहिलेदेखि नै संगठन बलियो बनाएर जाने हो भने आगामी आमचुनावमा बहुमत ल्याउन सकिने बताए।
पार्टीका केन्द्रदेखि वडासम्म भएका गल्तीहरू सच्याएर जानुपर्ने सिटौलाले बताएका छन्।
‘देश विकासमा कांग्रेसले गरेका कामहरू हामीले भन्न छाड्न हुँदैन,’ सिटौलाले भने, ‘संविधानमा लेखेअनुसार धेरै कानुन बनाउन र जनताका लागि धेरै काम गर्न बाँकी छ।’
भिडिओ:
