प्रधानमन्त्री केपी शर्मा ओलीले भिजिट भिसामा विदेश जाने र उतैको नागरिकता लिएर नेपाल फर्किनेहरूले भिजिट भिसाको विरोध गरेको बताएका छन्।
भिजिट भिसामार्फत नेपालीहरूलाई ठगी गरेको र त्यसमा मुछिएका गृहमन्त्रीले राजीनामा दिनुपर्ने माग राख्दै प्रतिपक्षी दल राष्ट्रिय स्वतन्त्र पार्टी रास्वपाले लामो समयदेखि संसद अवरूद्ध गर्दै आएको छ।
बुधबार प्रधानमन्त्री केपी शर्मा ओलीले संसदमा सम्बोधन गर्ने क्रममा त्यसको जबाफ दिएका हुन्।
उनले रास्वपा सभापति रवि लामिछानेप्रति लक्ष्य गर्दै 'प्रमाणीत अभियुक्त' समेत भनेका छन्।
'भिजिट भिसामा विदेश गएर उतैको नागरिकता लिएर, उताको नागरिकता नत्यागी नेपाल फर्किएर मन्त्रीसम्म भएका प्रमाणीत अभियुक्त र भिजिट भिसामा गएर उतै दुई-दुई पटक बिहे गरिसकेका व्यक्तिहरूले समेत अन्तर्राष्ट्रिय विमानस्थलमा प्लेन चढ्ने सबै नागरिकलाई बेचिएको भन्ने भाष्य स्थापना गर्न खोजिरहेका छन्,' उनले भने।
यसका पछाडि मुलुक र नागरिकको हित जोडिएको नजोडिएको प्रधानमन्त्री ओलीले बताए।
'यसले इमोशनल ब्ल्याकमेलिङमार्फत आफ्नो स्वार्थको रोटी सेक्ने प्रवृत्तिको मात्रै उजागर गरेको छ,' उनले भने।
-1746009348.jpg)
