जनता समाजवादी पार्टी र राष्ट्रिय मुक्ति पार्टीले कार्यगत एकता गर्ने भएका छन्।
अशोक राई नेतृत्वको जसपा र राजेन्द्र महतो नेतृत्वको राष्ट्रिय मुक्ति पार्टीबीच कार्यगत एकता गर्ने निर्णय भएको हो।
‘जसपा र हामीबीच कार्यगत एकताको निर्णय भएको छ,’ राष्ट्रिय मुक्ति पार्टीका महासचिव केशव झाले सेतोपाटीसँग भने, ‘निकट भविष्यमा पार्टी एकता नै गर्ने गरी अहिले कार्यगत एकताको निर्णय गरिएको हो।’
उनकाअनुसार बिहीबार अपराह्न ३ बजे काठमाडौंमा पत्रकार सम्मेलन गरेर यसको घोषणा हुनेछ।
पछिल्लो समय मधेसकेन्द्रित ७ राजनीतिक दलहरूले संघीय लोकतान्त्रिक मोर्चा गठन गरेका छन्। त्यो मोर्चामा यी दुई घटक दल हुन्।
-1746009348.jpg)
