गृहमन्त्री एवं नेपाली कांग्रेसका नेता रमेश लेखकले एकतालाई मूल मन्त्र बनाएर अघि बढ्दा कांग्रेसलाई कसैले कमजोर पार्न नसक्ने बताएका छन्।
बुधबार काठमाडौं नन्दप्रसाद शिवाकोटीको स्मृति दिवसमा आयोजित सभालाई सम्बोधन गर्दै उनले यस्तो बताएका हुन्।
उनले नेपाली कांग्रेस एउटै मूल मन्त्रका साथ अघि बढ्ने हो भने कांग्रेसलाई कसैले कमजोर बनाउन नसक्ने बताए।
लोकतन्त्र राम्रो व्यवस्था रहेको बताउँदै यो व्यवस्था ल्याउन धेरै सपुतहरूको ठूलो योगदान रहेको उनले बताए।
उनले एकता कुनै अमूर्त विषय नभएको बताए। कांग्रेस लोकतान्त्रिक पार्टी भएकाले विचारमा फरक हुनसक्ने बताए।
उनले मतान्तरहरूमा पार्टीभित्रै बसेर छलफल गर्नुपर्ने जरूरी रहेको बताए। पार्टीभन्दा बाहिर प्रतिस्पर्धा भएको बेलामा पार्टी एक ढिक्का भएर उभिनुपर्ने बताए।
गृहमन्त्री लेखकले भने, ‘हामीले लोकतन्त्र,राम्रो व्यवस्थाको कुरा हामी गर्दछौँ। जुन यो राम्रो व्यवस्था मुलुकले प्राप्त गरेको छ, यो त्यत्तिकै आएको होइन। जस्तो एउटा सुन्दर भवन, सुन्दर घर हामी देख्छौँ, त्यसको माटोभित्र जग हुन्छ। पिल्लरका रूपमा होस्, कि वालका रूपमा होस्। हामीले बाहिरको घर मात्रै देख्छौँ तर त्यो भवन माटोभित्र भएको जगमा उभिएको हुन्छ। यदि त्यो जगलाई बिर्सियो भने त्यो घर ढल्छ। त्यसकारण आज जुन व्यवस्था यो लोकतन्त्रमा हामी छौँ। यो लोकतन्त्रको प्राप्ति प्रजातन्त्रका सेनानी, लोकतन्त्रका सेनानीहरूबाट प्राप्त भएको हो। लोकतन्त्रको जगलाई, आधारलाई स्मरण गर्नुपर्छ। यो हजारौं सपुतको जगका कारण नै निर्माण भएको हो।’
उनले अगाडि भने, ‘लोकतन्त्रका लागि लडेका प्रजातन्त्रका सेनानीहरूलाई स्मरण गर्ने, उहाँहरूका विचारलाई फैल्याउने काम पुनित कार्य हो। नेपाली कांग्रेस एउटै मूल मन्त्रका साथ अघि बढ्ने हो भने कांग्रेसमा पनि समस्या हुँदैन र कांग्रेसलाई कसैले पनि कमजोर गर्न सक्दैन। त्यसको एउटै मूल मन्त्र भनको कांग्रेसभित्र एकता एकता एकता नै हो।’
गृहमन्त्री लेखकले कांग्रेसका नेताहरू आफै आपसमा कमजोर बनाउने काममा लाग्दा पार्टी पनि कमजोर हुने बताए। –न्युज एजेन्सी नेपाल
-1742801159.jpg)
-1746009348.jpg)
