प्रदेश नम्बर २ मा भइरहेको स्थानीय तह निर्वाचनमा दिउँसो १२ बजेसम्म करीब ३५ प्रतिशत मतदान भएको छ।
निर्वाचन आयोगले दिएको पछिल्लो जानकारी अनुसार सबै मतदान केन्द्रहरूमा मतदाताहरू ठूलो संख्यामा लामबद्ध छन्।
मतदान कार्य आज अपरान्ह ५ बजेसम्म जारी रहने छ।
प्रदेश नं. दुईका १ महानगरपालिका, ३ उपमहानगरपालिका, ७३ नगरपालिका र ५९ गाउँपालिका गरी १३६ वटा स्थानीय तहमा आज भएको यस निर्वाचनबाट नगरपालिका प्रमुख तथा उपप्रमुख, गाउँपालिका अध्यक्ष तथा उपाध्यक्ष, वडा अध्यक्ष, वडा सदस्य, महिला वडा सदस्य र दलित महिला वडा सदस्य गरी ६ हजार ६ सय २७ जना प्रतिनिधिहरू निर्वाचित हुनेछन्।
