पृथ्वी राजमार्गअन्तर्गत धादिङको थाक्रे गाउँपालिका-७ स्थित सोताङ खोलाको पुलनजिकै सडक भ्वाङ परेको छ।
राजमार्ग सुरक्षा तथा ट्राफिक व्यवस्थापन कार्यालय रामनगरका एसपी नरेशराज सुवेदीका अनुसार अहिले दुवैतर्फ सडक अवरूद्ध छ।
सवारीसाधनलाई डाइभर्ट गरी गल्छीमार्फत काठमाडौंतर्फ पठाउने तयारी भइरहेको उनले बताए।
पुरानो पुल नजिकै अर्को नयाँ पुल निर्माणको काम भइरहेको छ।
‘नयाँ पुल निर्माण गर्नको लागि काम भइरहेको छ। भाइब्रेशनले गर्दा सडक भासिएको हो,’ उनले भने।
