बेन स्टोक्सले कीर्तिमानी प्रदर्शन गरेको तेस्रो एकदिवसीय खेलमा इंग्ल्यान्डले न्युजिल्यान्डलाई १८१ रनको फराकिलो अन्तरले पराजित गरेको छ।
जितसँगै घरेलु टिम इंग्ल्यान्डले चार खेलको सिरिजमा २-१ को अग्रता लिएको छ।
घरेलु मैदान ओभलमा पहिले ब्याटिङ गरेको इंग्ल्यान्डले ४८.१ ओभरमा अलआउट हुनुअघि ३६८ रन जोड्यो।
उसका लागि बेन स्टोक्सले १८२ रन जोडे। यो इंग्ल्यान्डका लागि एकदिवसीय खेलको एकै इनिङ्ग्समा उच्च स्कोर हो। डविड मालनले ९६ रन जोड्दा इंग्याल्यान्डको स्कोर बढेको थियो।
बलिङमा न्युजिल्यान्डका ट्रेन्ट बोल्टले ५ विकेट लिए।
३६९ रनको लक्ष्य पछ्याएको न्युजिल्यान्ड ३९ ओभरमा १८७ रनमै अलआउट भयो। उसका लागि ग्लेन फिलिप्सले ७२ रन जोड्दा अरु ब्याटर सस्तैमा आउट भए। बलिङमा इंग्ल्यान्डका क्रिस ओएक्स र लियाम लिभिङस्टोनले ३-३ विकेट लिए।
