नेपाल, युएई र हङकङबीचको टी-२० सिरिजको खेल तालिका सार्वजनिक गरिएको छ। सिरिज कात्तिक १ देखि सुरु भएर कात्तिक १० मा सकिनेछ।
सिरिज दशैंको बीचमा हुने भएको छ। खेल तालिका अनुसार नेपालको पहिलो खेल कात्तिक १ मा युएईसँग हुनेछ। यस्तै दोस्रो खेल कात्तिक २ मा हङकङसँग हुनेछ।
कात्तिक ४ फुलपातीमा हङकङ र नेपाल फेरि भिड्नेछन्। नेपालले युएईसँगको दोस्रो खेल कात्तिक ६ गते दशैंको नवमीको दिन खेल्नेछ।
हङकङ र युएईबीचको पहिलो खेल कात्तिक ५ गते अष्टमी र दोस्रो खेल कात्तिक ८ मा हुनेछ। लिग चरण यी सबै ६ खेल मुलपानी मैदानमा हुनेछन्।
त्यसपछि कात्तिक १० मा हुने फाइनल कीर्तिपुरस्थित त्रिवि मैदानमा हुनेछ।
नेपालले टी-२० विश्वकप २०२४ को छनोट प्रतियोगिताअघि युएई र हङकङसँग सिरिज खेल्न लागेको हो। हाल नेपाली टिम तयारीका लागि भारतमा छ।
