त्रिदेशीय टी-२० सिरिजमा हङकङविरूद्धको खेलमा नेपालले टस जितेर ब्याटिङ गर्ने भएको छ।
शनिबार मुलपानी क्रिकेट मैदानमा हुन लागेको खेलमा नेपालले हङकङविरूद्ध सुरूमा ब्याटिङ गर्न लागेको हो।
नेपाल, हङकङ र युएईबीचको टी-२० सिरिजमा नेपालले दुई खेलमा जित हात पारिसकेको छ।
यसअघि गत बिहीबार नेपालले हङकङमाथि ६ विकेटको जित हात पारेको थियो।
गत बुधबार नेपालले युएईलाई ७ विकेटले पराजित गरेको थियो।
आइतबार हङकङ र युएईबीच खेल हुनेछ। सोमबार नेपाल र युएई, बुधबार हङकङ र युएईबीच र फाइनल खेल शुक्रबार हुनेछ।
अंक तालिकाको शीर्ष स्थानमा रहने दुई टिमबीच शुक्रबार फाइनल हुनेछ।
