त्रिदेशीय टी-२० सिरिजमा हङकङविरूद्धको खेलमा नेपालले पहिलो विकेट गुमाएको छ।
शनिबार मुलपानी क्रिकेट मैदानमा टस जितेर ब्याटिङ रोजेको नेपालले पहिलो विकेट गुमाएको हो। दोस्रो ओभरमा कुशल भुर्तेल दुई रन बनाएर आउट भएका हुन्।
उनी गएपछि ब्याटिङ गर्न सोमपाल कामी आएका छन्।
नेपाल, हङकङ र युएईबीचको टी-२० सिरिजमा नेपालले दुई खेलमा जित हात पारिसकेको छ।
यसअघि गत बिहीबार नेपालले हङकङमाथि ६ विकेटको जित हात पारेको थियो।
गत बुधबार नेपालले युएईलाई ७ विकेटले पराजित गरेको थियो।
आइतबार हङकङ र युएईबीच खेल हुनेछ। सोमबार नेपाल र युएई, बुधबार हङकङ र युएईबीच र फाइनल खेल शुक्रबार हुनेछ।
अंक तालिकाको शीर्ष स्थानमा रहने दुई टिमबीच शुक्रबार फाइनल हुनेछ।
