त्रिदेशीय टी-२० सिरिजमा हङकङविरूद्धको खेलमा नेपालले चोथो विकेट गुमाएको छ।
शनिबार मुलपानी क्रिकेट मैदानमा टस जितेर ब्याटिङ रोजेको नेपालले चार विकेट गुमाएको हो।
आठौं ओभरमा कप्तान रोहित पौडेल ११ रन बनाएर आउट भए। त्यसअघि ५.६ ओभरमा ओपनर आसिफ शेख २० रन बनाएर आउट भएका थिए।
सोमपाल कामी ८ रन र अर्का ओपनर कुशल भुर्तेल २ रन बनाएर आउट भएका थिए।
अहिले कप्तान कुशल मल्ल र दिपेन्द्रसिंह ऐरी ब्याटिङ गर्दैछन्। नेपालले १० ओभरमा चार विकेट गुमाएर ६७ रन बनाएको छ।
नेपाल, हङकङ र युएईबीचको टी-२० सिरिजमा नेपालले दुई खेलमा जित हात पारेको छ।
यसअघि गत बिहीबार नेपालले हङकङमाथि ६ विकेटको जित हात पारेको थियो। गत बुधबार नेपालले युएईलाई ७ विकेटले पराजित गरेको थियो।
आइतबार हङकङ र युएईबीच खेल हुनेछ। सोमबार नेपाल र युएई, बुधबार हङकङ र युएईबीच र फाइनल खेल शुक्रबार हुनेछ।
अंक तालिकाको शीर्ष स्थानमा रहने दुई टिमबीच शुक्रबार फाइनल हुनेछ।
