त्रिदेशीय टी-२० सिरिजमा हङकङविरूद्धको खेलमा कुशल मल्ल र दीपेन्द्रसिंह ऐरीले अर्धशतक बनाएका छन्।
शनिबार मुलपानी क्रिकेट मैदानमा टस जितेर ब्याटिङ रोजेको नेपालका लागि मल्ल र ऐरीले अर्धशतक पूरा गरेका हुन्।
मल्लले १६औं ओभरमा अर्धशतक पूरा गरेका थिए भने ऐरीले १७औं ओभरमा अर्धशतक पूरा गरेका हुन्।
नेपालले १८औं ओभरमा पाँच विकेट गुमाएर २०० रन बनाएको छ। १८.६ ओभरमा दीपेन्द्रसिंह ऐरी आउट भएका हुन्। उनी ५७ रन बनाएर आउट भएका हुन्।
आठौं ओभरमा कप्तान रोहित पौडेल ११ रन बनाएर आउट भए। त्यसअघि ५.६ ओभरमा ओपनर आसिफ शेख २० रन बनाएर आउट भएका थिए।
सोमपाल कामी ८ रन र अर्का ओपनर कुशल भुर्तेल २ रन बनाएर आउट भएका थिए।
नेपालले १० ओभरमा चार विकेट गुमाएर ६७ रन बनाएको छ।
नेपाल, हङकङ र युएईबीचको टी-२० सिरिजमा नेपालले दुई खेलमा जित हात पारेको छ।
यसअघि गत बिहीबार नेपालले हङकङमाथि ६ विकेटको जित हात पारेको थियो। गत बुधबार नेपालले युएईलाई ७ विकेटले पराजित गरेको थियो।
आइतबार हङकङ र युएईबीच खेल हुनेछ। सोमबार नेपाल र युएई, बुधबार हङकङ र युएईबीच र फाइनल खेल शुक्रबार हुनेछ।
अंक तालिकाको शीर्ष स्थानमा रहने दुई टिमबीच शुक्रबार फाइनल हुनेछ।
