विश्वकप एकदिवशीय क्रिकेट २०२३ मा न्युजिल्यान्डले भारतसामु २७४ रनको लक्ष्य प्रस्तुत गरेको छ।
आइतबार धर्मशाला स्टेडियममा जारी खेलमा न्युजिल्यान्डले निर्धारित ५० ओभरको खेलमा १० विकेट गुमाएर २७३ रन बनाएको हो।
न्युजिल्यान्डका लागि डेरिल मिशेलले सर्वाधिक १३० रन बनाएका छन्। उनले ९ चौका र ५ छक्का प्रहार गरे।
रचिन रविन्द्रले ७५ रन, ग्लेन फिलिप्सले २३ रन, विल यङले १७ रन जोड्दा अरू एक अंकको रनमा सीमित भए।
बलिङतर्फ भारतका मोहम्मद शमीले न्युजिल्यान्डको पाँच विकेट लिएका छन्।
कुलदिप यादवले दुई विकेट लिँदा जसप्रित बुमराह र मोहम्मद सिराजले एक-एक विकेट लिए।
