त्रिदेशीय टी-२० सिरिज को पाँचौं खेलमा नेपालले युएईविरूद्ध बलिङ गर्ने भएको छ।
सोमबार काठमाडौंको मुलपानी क्रिकेट मैदानमा हुन लागेको खेलमा टस जितेर नेपालले युएईविरूद्ध बलिङ रोजेको हो।
नेपालले यस सिरिजमा लगातार तीन जित हात पारिसकेको छ। हङकङलाई दुई पटक र युएईलाई एक पटक पराजित गरिसकेको छ।
तीन जित हात पारेसँगै नेपालले शुक्रबार हुने कीर्तिपुर क्रिकेट मैदानमा फाइनल खेल्नेछ।
त्यसअघि बुधबार युएई र हङकङबीच मुलपानीमा खेल हुनेछ। आइतबार युएईले हङकङलाई ६ विकेटले पराजित गरेको थियो।
