आइसिसी टी-२० विश्वकप २०२४ अन्तर्गत एसिया छनोटमा कीर्तिपुरस्थित त्रिवि मैदानमा नेपाल र सिंगापुरबीच खेल भइरहेको छ।
टस जितेर पहिले ब्याटिङ गरेको सिंगापुरले चार विकेट गुमाइसकेको छ। नेपालका लागि गुल्सन झाले ८ ओभरमा २ विकेट लिएका छन्। उनले रोहन रंगराजनलाई ४६ रनमा सन्दीप जोराबाट क्याच गराए। चार बलपछि उनले अमार्त्य कौललाई शून्यमा आउट गरे।त्यतिबेला सिंगापुरले ७.५ ओभरमा ४ विकेटको क्षतिमा ५३ रन जोडेको स्थिति थियो।
नेपालका लागि दोस्रो विकेट सन्दीप लामिछानेले लिए। सन्दीपले छैटौं ओभरको पाँचौ बलमा सिंगापुरका सुरेन्द्रन चन्द्रमोहनलाई ६ रनमा बोल्ड गरेका छन्।
यसअघि सिंगापुरले पहिलो ओभरमै विकेट गुमाएको थियो।
सिंगापुरका कप्तान अरित्रा दत्तलाई नेपालका करण केसीले दोस्रो बलमै बोल्ड गरे।
छनोटमा नेपाल समूह 'ए' मा छ। समूहमा नेपालसँगै सिंगापुर, मलेसिया र ओमान छन्।
समूहका शीर्ष दुई टिम सेमिफाइनल पुग्नेछन्। सेमिफाइनलमा जित हात पारे आगामी वर्ष अमेरिका र वेस्ट इन्डिजमा हुने विश्वकपमा स्थान पक्का हुनेछ।
