आइसिसी टी-२० विश्वकपअन्तर्गत एसिया छनोटमा कुवेतले बहराइनमाथि समूह 'बी' को खेलमा ४ विकेटको जित निकालेको छ।
मुलपानी मैदानबा बिहीबार जित हात पारे पनि कुवेतले सेमिफाइनलमा स्थान पक्का गर्न सकेन।
यता बहराइन भने पराजित भए पनि समूह उपविजेता बनेर अन्तिम चारमा पुग्यो।
समूहमा शीर्ष टिम युएईले ६ अंक बटुल्दा बहराइन, हङकङ र कुवेतले २-२ अंक जोडे। रनरेटमा बहराइन अघि रहदै दोस्रो भयो।
बहराइनले अब समूह 'ए' को विजेता ओमानसँग भोलि कीर्तिपुरस्थित त्रिवि मैदानमा खेल्नेछ। मुलपानीमा नेपाल र युएईबीच खेल हुनेछ। दुवै सेमिफाइनलको विजेता टी-२० विश्वकपमा छनोट हुनेछन्।
