दोस्रो संस्करणको प्रो क्लब क्रिकेट च्याम्पियनसिप पर्सामा हुने भएको छ।
पर्साको वीरगन्जको नारायणी क्रिकेट मैदानमा आगामी डिसेम्बर २१ देखि ३० सम्म प्रतियोगिता हुने आयोजक जोरा इन्टरनेशलले जानकारी दियो।
प्रतियोगितामा नेपाल र विदेशका गरी ६ टिमले भाग लिनेछन् भने टिमको नाम निकट भविष्यमा सार्वजनिक गरिनेछ।
नेपाल क्रिकेट संघ र पर्सा क्रिकेट संघबाट मान्यता प्रदान भएको प्रतियोगिताको निर्देशक दाउद अन्सारी छन्।
यसअघि प्रतियोगिताको पहिलो संस्करण सन् २०२२ मा भैरहवामा भएको थियो। सो संस्करण अस्ट्रेलियाका लजेन्ड क्रिकेटर शेन वार्नको स्मृतिमा भएको थियो।
