चारदेशीय टी-२० सिरिजमा दोस्रो जितका लागि नेपालले १८६ रनको लक्ष्य पाएको छ।
हङकङको मङ कोकस्थित मिसन ग्राउन्ड रोडमा सिरिजको दोस्रो खेलमा कुवेतले ७ विकेट गुमाएर १८५ रन बनाएपछि नेपालले जितका लागि मध्यम लक्ष्य पाएको हो।
कुवेतका लागि ओपनर क्लिन्टो एन्टोले सर्वाधिक ४१ रन बनाए। उनले ३० बलमा चार चौका र २ छक्का हाने।
मिट भवसरले २८ बलमा चौका र २ छक्का हानेर ३५ रन बनाए। बिलाल तहिरले ३२, रविजा सान्दरूवनले २६ र उसमान पटेलले १३ रन बनाए।
बलिङतर्फ नेपालका लागि सोमपाल कामीले तीन विकेट लिए। नन्दन यादवले दुई तथा ललित राजवंशी र कुशल भूर्तेलले एक-एक विकेट लिए।
नेपालले यसअघि पहिलो खेलमा कतारलाई ८ विकेटले पराजित गरेको थियो।
नेपालले अन्तिम खेल चैत ३० गते हङकङसँग खेल्नेछ।
त्यसपछि चैत ३१ गते तेस्रो स्थान र फाइनल खेल हुनेछ।
