इंग्लिस प्रिमियर लिगमा उपाधि होडमा रहेका आर्सनल र म्यानचेष्टर सिटीले जित निकालेका छन्।
शीर्ष स्थानको आर्सनलले लुटन टाउनलाई २-० गोलले पराजित गर्यो। आर्सनलका लागि ओडिगार्डले पहिलो गोल गर्दा लुटनका होसीओकाले आत्मघाती गोल गरे।
यता सिटीले एस्टन भिल्लालाई ४-१ गोलले पराजित गर्यो।
सिटीको जितमा फिल फोडेनले ह्याट्रिक गरे। उनले पहिलो हाफको इन्जुरी टाइममा पहिलो गोल गर्दा ६२ र ६९ मिनेटमा गोल गर्दै ह्याट्रिक पुरा गरे।
त्यसअघि सिटीका लागि रोद्रीले ११ मिनेटमा गोल गर्दा भिल्लाका डुरानले २० मिनेटमा बराबरी गोल फर्काएका थिए।
लिगमा शीर्ष स्थानको आर्सनलको ३० खेलबाट ६८ अंक छ। दोस्रो स्थानको लिभरपुलको २९ खेलबाट ६७ अंक छ। तेस्रो स्थानको सिटीको ३० खेलबाट ६७ अंक नै छ। चौथो स्थानको भिल्लाको ३१ खेलबाट ५९ अंक छ।
