स्पेनिस ला लिगामा रियल म्याड्रिड र बार्सिलोनाले जित निकालेका छन्।
रियलले मालोर्कालाई १-० गोलले हरायो। चुवामेनीले ४८ मिनेटमा गरेको गोलमार्फत् रियलले जित निकाल्यो।
बार्सिलोनाले कार्डिजमाथि १-० गोलको जित निकाल्यो। बार्सिलोनाको जितमा जोआओ फेलिक्सले ओभर हेड किकमार्फत ३७ मिनेटमा उत्कृष्ट गोल गरे।
लिगमा शीर्ष स्थानको रियलको ३१ खेलबाट ७८ अंक छ। दोस्रो स्थानको बार्सिलोनाको ७० अंक तथा तेस्रो स्थानको जिरोनाको ६५ र चौथो स्थानकव एट्लेटिको म्याड्रिडको ६१ अंक छ।
एट्लेटिकोले शनिबार नै जिरोनालाई ३-१ गोलले हरायो।
