इंग्लिस प्रिमियर लिगको उपाधि होडमा रहेका लिभरपुल र आर्सनललाई धक्का लागेको छ।
३२ औं चरणको खेलमा लिभरपुल र आर्सनलले हार बेहोर्दा उपाधि यात्रामा धक्का लागेको हो।
आइतबार घरेलु मैदानमा लिभरपुलले क्रिस्टल प्यालेससँग १-० गोलको हार बेहोर्यो। प्यालेसको जितमा इजेले खेलको १४ मिनेटमा गोल गरेका थिए।
लिभरपुल पराजित भएको केही समयपछि आर्सनल पनि एस्टन भिल्लासँग २-० गोलले हार्यो। भिल्लाका लागि बेलीले ८४ र वाट्किनसनले ८७ मिनेटमा गोल गरे।
हारपछि शीर्ष स्थानमा पुग्ने मौका गुमाएका दोस्रो स्थानको आर्सनलको र तेस्रो स्थानको लिभरपुलको ३२ खेलबाट ७१-७१ अंक छ।
शीर्ष स्थानको म्यानचेस्टर सिटीको ७३ अंक रहदा चौथो स्थानको भिल्लाको ३३ खेलबाट ६३ अंक छ।
