हुन्डाइ इन्डियाले नयाँ पुस्ताको २०२५ हुन्डाई भेन्यु सार्वजनिक गरेको छ। यसको सुरूआती मूल्य ७ लाख ९० हजार भारु राखिएको छ।
नयाँ भेन्यु आठ भेरियन्ट र आठ रंग विकल्पमा उपलब्ध छ। नयाँ फ्रन्ट र रियर बम्पर, आकर्षक एलइडी हेडलाइट, एलइडी टेललाइट, १७ इन्च डुअल–टोन एलोय ह्विल र कनेक्टेड एलइडी लाइट बारले यसको आधुनिक लुक थपेको कम्पनीले बताएको छ।
क्याबिनमा १२.३ इन्च कर्भ्ड स्क्रिन, तीन–स्पोक स्टेयरिङ ह्वील, भेन्टिलेटेड सिट लगायतका सुविधाहरू छन्। लेभल–२ अड्यास, ब्लुलिंक कनेक्टिभिटी, ओटिए अपडेट र वायरलेस एप्पल कारप्ले/एन्ड्रोइड अटो पनि उपलब्ध छन्।
अन्य फिचरहरूमा ६ वटा एयरब्याग, ३६० डिग्री क्यामेरा, ब्लाइन्ड–स्पट मोनिटर र इलेक्ट्रिक सनरूफ समावेश छन्।
नयाँ भेन्यु कम्प्याक्ट एसयूभी सेग्मेन्टमा सोनेट, ब्रेज्जा, नेक्सन, काइल्याक, काइगर, म्याग्नाइट र एक्सयूभी ३एक्स० जस्ता मोडलहरूसँग प्रत्यक्ष प्रतिस्पर्धा दिनेछ।
-1746009348.jpg)
