भ्रमण वर्ष २०२० कार्यक्रम उद्घाटनको मुखमै नेपाल पर्यटन बोर्ड प्रमुख कार्यकारी अधिकृति(सिइओ) बिहिन भएको छ।
बोर्डका सिइओ दिपकराज जोशीको कार्यकाल सकिएपछि नयाँ सिइओ छनौटको प्रक्रिया अझै केही समय लम्बिने भएकाले प्रमुख बिहीन हुने भएको हो।
जोशीको कार्यकाल आज सकिएको हो।
सरकारले सन् २०२० लाई भ्रमण वर्षका रुपमा मनाउने घोषणा गरेको छ। यसका लागि तयारी पनि तीब्र बनाएको छ। जनवरी १ मा बृहत कार्यक्रमको आयोजना गरी उद्घाटन गर्ने संस्कृति पर्यटन तथा नागरिक उड्डयन मन्त्रालयले बताएको छ।
तर यही समय नेपालको पर्यटन प्रबर्द्धन गर्ने संस्था भने प्रमुख बिहिन बनेको हो।
यद्यपी पर्यटन बोर्डले नयाँ कार्यकारी अधिकृत छनौटको प्रक्रिया भने सुरु गरिसकेको छ। बोर्डले एउटा उपसमिति बनाएर आवेदन माग गरेको थियो। आवेदन दिने अन्तिम मिति आजसम्म तोकिएको थियो।
बोर्ड स्रोतका अनुसार १७ आवेदन परेका छन्।
प्रक्रियाबाट नयाँ सिइओ छनौट हुन अझै एक मिहना समय लाग्ने उपसमितिका एक सदस्यले जानकारी दिए।बोर्ड सिइओ बिहिन हुने अवस्था आएपछि बोर्डले जोशीको पदावधि तीन महिना थप गर्ने निर्णय गरेको थियो।
तर बोर्डको उक्त निर्णय जोशीले अस्वीकार गरिदिएका छन्। कानूनी जटिलताका कारण थप समय लिन अस्वीकार गरेका हुन्। बोर्डको कानूनी व्यवस्थाअनुसार सिइओ भएको व्यक्तीलाई एक पटकका लागि पुर्ननियुक्ती गर्न सकिने भन्ने छ। यसअनुसार जोशीका लागि आवेदन दिने बाटो बन्द हुनेथियो। सोही कारण उनले बोर्डको प्रस्ताव अस्वीकार गर्दै आवेदन दिएका छन्।
बोर्डको अध्यक्ष संस्कृति पर्यटन तथा नागरिक उड्डयन मन्त्रालयका सचिव हुन्छन्। अहिले सचिव केदारबहादुर अधिकारी छन्।
-1746009348.jpg)
