गृहमन्त्री रमेश लेखक त्रिभुवन अन्तर्राष्ट्रिय विमानस्थलतर्फ प्रस्थान गरेका छन्।
बुधबार बिहान आन्तरिक उडानतर्फ सौर्य एयरलाइन्सको ९ एन-एएमई/सीआरजे २०० कलसाइनको जहाज दुर्घटनामा परेको हो।
दुर्घटना भएपछि गृहमन्त्री लेखक घटनास्थलतर्फ गएको गृहमन्त्रीको सचिवालयले जनाएको छ।
जहाज रनवे ०२ तर्फबाट उडेको र पूर्वतर्फ रनवे २० नजिकै दुर्घटनामा परेको विमानस्थलले जनाएको छ।
जहाजमा रहेका क्याप्टेन ३७ वर्षीय मनीष शाक्यलाई उद्धार गरेर केएमसी अस्पतालमा लगिएको काठमाडौं उपत्यका प्रहरी कार्यालय रानीपोखरीका प्रवक्ता एसएसपी दिनेशराज मैनालीले सेतोपाटीलाई जानकारी दिए।
जहाजबाट धुवाँ आएको देखिएपछि अग्नि नियन्त्रक, प्रहरी र नेपाली सेना परिचालन गरिएको छ।
जहाजमा १९ जना सवार थिए।
