रियल म्याड्रिडले ६ वर्षका लागि फ्रेन्च डिफेन्डर थिओ हर्नान्डेजलाई अनुबन्धित गरेको छ। प्रतिद्वन्दी क्लब एट्लेटिको म्याड्रिडका १९ वर्षीय फ्रेन्च डिफेन्डरले गत सिजन ऋण सम्झौतामा आल्भेसबाट खेलेका थिए।
गत सिजन आल्भेसलाई कोपा डेल रेको फाइनलमा प्रवेश गराउन उनको योगदान महत्वपूर्ण थियो। लेफ्ट ब्याक हर्नान्डेजलाई २०२१ सम्म एट्लेटिको आफ्नो क्लबमा राख्ने तयारीमा थियो। उनी एट्लेटिकोको युथ टिममा सहभागी थिए।
उनको अनुबन्धको रकम सार्वजनिक भएको छैन्। हर्नान्डेज ब्राजिलका मार्सेलो टिममा रहेको अवस्थामा प्रशिक्षक जिनेदिन जिदानको दोस्रो रोजाईमा पर्ने लगभग पक्का छ।
