चिकित्सा शिक्षा आयोगको बैठकले एमबिबिएस र बिडिएसको सिट संख्या वृद्धि गर्ने निर्णय गरेको छ।
बिहीबार आयोगका अध्यक्षसमेत रहेका प्रधानमन्त्री केपी शर्मा ओलीको अध्यक्षतामा बसेको चिकित्सा शिक्षा आयोगको २१ औैं बैठकले आयोगको सिट निर्धारण समितिको सिफारिसअनुसार सिट वृद्धि गर्ने निर्णय गरेको हो।
मापदण्ड पूरा गरेका र पूर्वाधार भएका मेडिकल कलेजले एमबिबिएसतर्फ सिलिङ १३० पुर्याउने निर्णय भएको छ। अहिले मेडिकल कलेजलाई एमबिबिएसतर्फ १०० सिट थियो।
साथै बिडिएसतर्फ ५० सिट रहेकोमा सिलिङ ६० पुर्याउने निर्णय भएको स्रोतको भनाइ छ।
यस शैक्षिक सत्रका लागि चिकित्सा शिक्षाको विभिन्न तह र प्राविधिक शिक्षा तथा व्यवसायिक तालिम परिषद्को ‘पिसिएल’ तहको संख्या वृद्धिसहित सिट निर्धारणको निर्णय भएको प्रधानमन्त्री केपी शर्मा ओलीको सचिवालयले जनाएको छ।
-1746009348.jpg)
