काठमाडौंमा १५ महिने बालिकामाथि बलात्कार भएको छ।
कागेश्वरी मनोहरा नगरपालिकामा बस्दै आएकी एक महिलाकी १५ महिने बालिकामाथि बलात्कार भएको जिल्ला प्रहरी परिसर काठमाडौंका एसपी अपिलराज बोहराले जानकारी दिए।
५९ वर्षीय राजकुमार गोलेले आफ्नो डेरा कोठामा लगेर बालिकामाथि बलात्कार गरेको प्रहरीले बताएको छ।
मकवानपुर भिमफेदी गाउँपालिका-८ का गोले पनि त्यस क्षेत्रमा कोठा भाडामा लिएर बसेका थिए।
घटना भएको परिवारले थाहा पाएपछि प्रहरी बोलाइएको थियो।
प्रहरीले राजकुमार गोलेलाई पक्राउ गरेको छ।
बालिकाको स्वास्थ्य परीक्षण गराइसकेको छ। अहिले बालिकालाई अभिभावकको जिम्मा लगाइसकेको छ।
प्रहरीले आरोपी गोलेको पनि स्वास्थ्य परीक्षण गरेको छ। घटनाको थप अनुसन्धान अघि बढाएको छ।
-1742801159.jpg)
-1746009348.jpg)
