धादिङमा माइक्रो दुर्घटना हुँदा ८ जना घाइते भएका छन्।
बुटवलबाट काठमाडौं आउँदै गरेको बा.प्र. ०१-००२ ज ६७६३ नम्बरको माइक्रो शुक्रबार साँझ साढे ६ बजे धादिङको बेनीघाट रोराङ गाउँपालिका-५ विशालटारस्थित पृथ्वी राजमार्ग सडकमा पल्टिएको हो।
जिल्ला प्रहरी कार्यालय धादिङका प्रवक्ता डिएसपी सुवास हमालका अनुसार उक्त माइक्रोमा ११ जना सवार थिए।
आफै अनियन्त्रित भएर सडकमै पल्टिएपछि ८ जना घाइते भएका छन्।
घाइतेहरूमा पाल्पाका बिमल श्रेष्ठ, धादिङका सन्तोष परियार, मिलन परियार, केशव दमाइ, प्रमोद परियार,सरोज परियार, राजु परियार र रामेछापका कमलकुमार सुनाम छन्।
सबै घाइतेहरूलाई मलेखुस्थित राजमार्ग अस्पतालमा उपचारका लागि पठाइएको डिएसपी हमालले जानकारी दिए।
चालक पाल्पाको मातागढी गाउँपालिका-४ का २२ वर्षीय सुनिल विकलाई प्रहरीले नियन्त्रणमा लिएको छ।
दुर्घटनाबारे थप अनुसन्धान भइरहेको डिएसपी हमालले जानकारी दिए।
-1746009348.jpg)
