आइपिएल २०२५ अन्तर्गत कोलकाताको इडन गार्डेनमा सोमबार भएको गुजरात टाइटन्सले कोलकाता नाइट राइडर्सलाई ३९ रनले पराजित गर्दै शीर्ष स्थानमा आफ्नो पकड मजबुत बनाएको छ।
टस हारेर पहिले ब्याटिङ गरेको गुजरात टाइटन्सले कप्तान शुभमन गिलको ५५ बलमा ९० रन र साई सुदर्शनको ३६ बलमा ५२ रनको योगदानमा २० ओभरमा १९८/३ रनको विशाल स्कोर खडा गर्यो।
दुवै ओपनरले पहिलो विकेटका लागि ११४ रनको साझेदारी गर्दै बलिङ पक्षलाई दबाबमा राखे।
जवाफमा कोलकाता नाइट राइडर्सले कप्तान अजिन्का रहाणेको ५० रन जोड्दा २० ओभरमा ८ विकेट गुमाउँदै १५९ रन मात्र बनाउन सक्यो।
बलिङमा गुजरातका लागि प्रसिद्ध कृष्ण र रशिद खानले २-२ विकेट लिए।
यो जितसँगै गुजरात टाइटन्सले ८ खेलबाट १२ अंक जोड्दै तालिकाको शीर्ष स्थानमा यथावत छ। जबकि कोलकाता नाइट राइडर्स ६ अंकसहित सातौं स्थानमा छ।
