आइपिएल २०२५ अन्तर्गत मंगलबार राति दिल्ली क्यापिटल्सले लखनउ सुपर जायन्ट्सलाई ८ विकेटले पराजित गर्दै अंक तालिकामा शीर्ष स्थानमा रहेको गुजरात टाइटन्ससँग बराबरी गरेको छ।
पहिले ब्याटिङ गरेको लखनउले २० ओभरमा ५ विकेट गुमाउँदै १५९ रन बनायो। टोलीका लागि एडिन मक्रमले आकर्षक ५२ रन र मिचेल मार्सले ४५ रनको योगदान दिए। यी दुईको साझेदारीले लखनउलाई प्रतिस्पर्धात्मक स्कोर बनाउन मद्दत गर्यो।
तर दिल्लीका बलर मुकेश कुमारले ४ विकेट लिएर लखनउको गति रोकिदिए।
जवाफमा दिल्लीले उत्कृष्ट सुरुवात गर्यो। ओपनर अभिषेक पोरेल ५१ रन बनाए। केएल राहुलले जिम्मेवारीपूर्ण ब्याटिङ गर्दै नटआउट ५७ रन बनाए भने कप्तान अक्षर पटेलले नटआउट ३४ रन जोडे। यी दुईले संयमित र प्रभावशाली ब्याटिङ गर्दै दिल्लीलाई १७.५ ओभरमै लक्ष्य पूरा गरे।
यो जितसँगै दिल्लीले ८ खेलबाट १२ अंक बनाउँदै गुजरातसँग अंक बराबरी गर्यो। नेट रन रेटको आधारमा दिल्ली दोस्रो स्थानमा भए पनि प्लेअफको दौडमा उनीहरू बलियो दाबेदार बनेका छन्। लखनउ भने पराजयपछि पाँचौं स्थानमा झरेको छ र अब बाँकी खेलहरूमा जित निकाल्नु उनीहरूका लागि अनिवार्यजस्तै भएको छ।
